مارک ویبر کا برازیلین گراں پری کے بعد ریٹائرمنٹ کا اعلان

سڈنی: فارمولا ون آسٹریلوی ڈرائیور مارک ویبر برازیلین گراں پری میں آخری مرتبہ جلوہ گر ہوں گے۔آسٹریلیا سے تعلق رکھنے والے فارمولا ون ڈرائیور کا کہنا تھا کہ وہ برازیلین گراں پری کے بعد ریٹائر ہو جائیں گے۔ اس موقع پر انھوں نے کہا کہ وہ اپنی آخری ریس میں اپنے مداحوں کے لیے کچھ خاص کرنا چاہتے ہیں۔ان کا کہنا تھا کہ وہ برازیل میں شاندار کارکردگی دکھاتے ہوئے فتح حاصل کریں گے۔مارک ویبر 12 سال کے دوران 215 مقابلوں میں حصہ لے چکے ہیں۔