وزیر خارجہ بلاول بھٹو رواں ماہ امریکہ کا دورہ کریں گے

اسلام آ باد(پی پی آ ئی) وزیر خارجہ بلاول بھٹو زرداری رواں ماہ کے وسط میں نیویارک (امریکہ) کا دورہ کریں گے۔ ذرائع کے مطابق بلاول بھٹو اقوام متحدہ کے صدر دفتر میں ہونے والی متعدد تقریبات میں شرکت کریں گے۔ بلاول بھٹو زرداری 15 اور 16 دسمبر کو گروپ 77 کے وزارتی اجلاس کی صدارت کریں گے۔ پاکستان کی صدرت میں گروپ 77 کا یہ آخری اجلاس ہوگا، پاکستان نے جنوری 20221 میں گروپ کی قیادت سنبھالی تھی۔ گروپ 77 کی سربراہی ایک سال کے لیے ہوتی ہے، 2023 میں کیوبا گروپ کا سربراہ ہوگا۔ کیوبا کو گروپ 77 کی سربراہی سونپنے کی تقریب اقوام متحدہ کے صدر دفتر میں ہوگی۔ وزیر خارجہ بلاول بھٹو زرداری مرکزی تقریب میں چیئرمین شپ کیوبا کے حوالے کریں گے۔