اسپیکر قومی اسمبلی ایاز صادق کی پی ایچ ایف صدر سے ملاقات

لاہور: اسپیکر قومی اسمبلی ایاز صادق نے پاکستان ہاکی فیڈریشن کے نومنتخب صدر اختر رسول چوہدری سے خصوصی ملاقات کی ۔ نیشنل ہاکی اسٹیڈیم میں ہونے والی ملاقات میں ایاز صادق نے نے اختر رسول کو پی ایچ ایف کا صدر بننے پر مبارک باد دی ۔ اس موقع پر اختر رسول نے اسپیکر قومی اسمبلی کے ساتھ پی ایچ ایف کے معاملات پر تفصیلی بات چیت کی اور ان سے ہاکی کے فروغ کے لیے تعاون کی اپیل کی ۔ ایاز صادق نے پی ایچ ایف معاملات کو بہتر بنانے کے لئے اختر رسول کو ہر ممکن تعاون کی یقین دہانی کرائی ۔