پاک انگلینڈ ڈس ایبلڈ کرکٹ سیریز اگلے برس یواے ای میں ہوگی

لندن: پاکستان اور انگلینڈ کی ڈس ایبلڈ کرکٹ ٹیموں کے درمیان سیریز آئندہ سال مارچ میں متحدہ عرب امارات میںکھیلی جائے گی ۔ سیریز میں تین ون ڈے اور تین ٹی 20میچ کھیلے جائیں گے ۔ سیریز کے انعقاد کا فیصلہ پاکستان ڈس ایبلڈ کرکٹ ایسوسی ایشن اور انگلینڈ اینڈ ویلز کرکٹ بورڈ ڈس ایبلڈ ونگ کے حکام کے درمیان لندن میں ایک ملاقات میں کیا گیا ۔پاکستانی وفد میں ایسوسی ایشن کے صدر سلیم کریم اور اعزازی سیکریٹری امیرالدین انصاری شامل تھے جبکہ انگلینڈ کی نمائندگی ای سی بی ڈس ایبلڈ ونگ کے سربراہ این مارٹن اور ممبر رچرڈ بل نے کی ۔