پرویز الٰہی کی درخواست پر سماعت کیلئے لاہور ہائی کورٹ کا نیا لارجر بنچ تشکیل، جسٹس فاروق حیدر کی جگہ جسٹس عاصم حفیظ شامل

لاہور(پی پی آ ئی)گورنر پنجاب کی جانب سے وزیر اعلیٰ پنجاب پرویز الٰہی کو عہدے سے ہٹانے کے خلاف دائر درخواست پر سماعت کے لیے لاہور ہائی کورٹ کا نیا لارجر بنچ تشکیل دے دیا گیا ہے۔اس سے قبل تشکیل دیے گئے پانچ رکنی بنچ میں شامل جسٹس فاروق حیدر نے پرویز الٰہی کی درخواست سننے سے معذرت کر لی تھی، جس کے بعد بنچ تحلیل ہو گیا تھا۔اب نئے بنچ میں جٹس فارق حیدر کی جگہ جسٹس عاصم حفیظ کو شامل کیا گیا ہے۔ یاد رہے کہ گذشتہ روز گورنر پنجاب بلیغ الرحمٰن نے اعتماد کا ووٹ لینے میں ناکامی پر چوہدری پرویز الٰہی کو عہدے سے ہٹا تھا۔