مسئلہ جوناگڑھ اور کشمیر بھارتی دوغلی پالیسی کا منہ بولتا ثبوت ہیں:انور پٹنی

کراچی (پی پی آئی) پٹنی یوتھ فورم کے سربراہ محمد انور پٹنی نے” جوناگڑھ ہے پاکستان “کے موضوع پر پینل ڈسکشن سے خطاب کرتے ہوئے نوجوانوں کو ریاست جوناگڑھ کے تاریخی پس منظر سے آگاہ کیا۔ انھوں نے کہا کہ جوناگڑھ کا پاکستان سے الحاق نواب مہابت خانجی اور قائداعظم محمد علی جناح کے دستخطوں سے ہواتھا۔ نواب آف جوناگڑھ نواب محمد مہابت خانجی نے نظریہ پاکستان کے تحت پاکستان سے الحاق کیا تھا۔ جوناگڑھ ہمارا تاریخی اور قانونی حق ہے۔ انھوں نے واضح کیا کہ مسئلہ جوناگڑھ اور کشمیر بھارتی کی دوغلی پالیسی کا منہ بولتا ثبوت ہیں۔محمد انور پٹنینے کہاکہ ہر پاکستانی کا قومی فرض ہے کہ وہ مسئلہ جوناگڑھ کے پر امن حل کیلئے کردار ادا کرے۔