پاکستان کے وقار یونس کو آئی سی سی ہال آف فیم میں شامل کرلیا گیا

دبئی: انٹرنیشنل کرکٹ کونسل نے ہال آف فیم میں بورے والا ایکسپریس وقار یونس کو بھی شامل کرلیا جس کے بعد ہال آف فیم میں شامل پاکستانیوں کی تعداد پانچ ہوگئی ہے۔عالمی گورننگ باڈی کے مطابق کرکٹ کے لئے وقار یونس کی خدمات کے اعتراف میں انہیں ہال آف فیم میں شامل کیا گیا ہے۔ لیجنڈری فاسٹ بولر کو سری لنکا اور پاکستان کے پہلے ٹی ٹوئنٹی میچ میں گیارہ دسمبر کو اعزاز سے نوازا جائے گا۔ وقار یونس سے پہلے عمران خان، وسیم اکرم، جاوید میانداد اور حنیف محمد یہ اعزاز حاصل کرچکے ہیں۔