شکست کو اپنے اوپر حاوی نہیں ہونے دوں گا: محمد آصف

لیٹویا: پاکستان کے اسٹار کیوئسٹ محمد آصف نے ورلڈ اسنوکر چیمپئن شپ میں ناک آﺅٹ مرحلے سے باہر ہونے پر شدید مایوسی کا اظہار کرتے ہوئے کہا ہے کہ میرے لئے یہ یقین کرنا مشکل ہے میں اب چیمپئن نہیں رہا ۔آصف کو ایونٹ کے ناک آﺅٹ مرحلے میں بھارتی کیوئسٹ شہباز عادل خان کے ہاتھوں شکست کا سامنا کرنا پڑا تھا ۔ آصف کا کہنا تھا کہ اصل چیمپئن وہ ہوتا ہے جو شکست سے سبق سیکھتا ہے ، میں اس شکست کو اپنے اوپر حاوی نہیں ہونے دوں گا اور آئندہ نیشنل اور انٹرنیشنل ایونٹس میں بہترین کارکردگی دکھانے کی کوشش کروں گا۔