لاہورسمیت پنجاب کے مختلف شہروں میں دھند کا راج

لاہور (پی پی آئی) صوبائی دارالحکومت لاہور سمیت پنجاب کے مختلف شہروں میں دھند کا راج برقرار ہے، موٹر وے پولیس نے متعدد موٹر ویز کو ٹریفک کیلئے بند کردیا۔پنجاب کے مختلف شہروں میں شدید دھند کے باعث حد نگاہ انتہائی کم رہ گئی، دھند کے باعث مسافروں کو شدید مشکلات کا بھی سامنا ہے۔دھند کے باعث موٹر وے ایم 2 اللہ انٹرچینج سے پنڈی بھٹیاں تک اور ایم 3 فیض پور سے درخانہ تک بند کی گئی، موٹر وے ایم 4 ملتان سے فیصل آباد تک اور ایم 5 موسیٰ والا سے چنی گوٹھ تک بند ہے۔موٹروے پولیس کا کہنا ہے کہ حدنگاہ 10 سے 5 میٹر ہونے کی وجہ سے موٹر ویز پر ٹریفک کو روکا گیا ہے۔موٹر وے پولیس نے شہریوں کو ہدایت کی ہے کہ دوران سفر فوگ لائٹس کا استعمال کریں اور غیر ضروری سفر سے گریز کریں۔