لاہور(پی پی آ ئی) وزیراعظم شہباز شریف نے وزیراعلیٰ پنجاب کے اعتماد کے ووٹ کے معاملے پر مسلم لیگ ن اور پیپلزپارٹی کے ارکان پر مشتمل کمیٹی قائم کر دی۔ذرائع کے مطابق وزیرقانون اعظم نذیر تارڑ، وفاقی وزیر سعد رفیق، وزیر داخلہ رانا ثنااللہ، عطا تارڑ اور پیپلز پارٹی سے حسن مرتضیٰ کمیٹی میں شامل ہیں۔کمیٹی پنجاب میں اعتماد کے ووٹ سے متعلق متحرک ہو گی، کمیٹی کا مقصد وزیراعلیٰ کے اعتماد کے ووٹ لینے کے دن تمام قانونی اور آئینی پہلوؤں کا جائزہ لینا ہے۔اس حوالے سے وزیراعظم شہباز شریف کی زیر صدارت مسلم لیگ ن کے رہنماؤں کا مشاورتی اجلاس ہوا جس میں پنجاب کی سیاسی صورت حال پرتبادلہ خیال کیا گیا۔اجلاس کے شرکا کہنا تھا کہ اس بار پرویزالٰہی اور پی ٹی آئی کو کسی صورت ایوان کا ماحول خراب نہیں کرنے دیں گے، ہائی کورٹ میں 11 جنوری کو قانونی ٹیم مکمل تیاری کے ساتھ پیش ہوگی۔
Next Post
اقوام متحدہ مقبوضہ جموں و کشمیر میں انسانیت سوز مظالم کا نوٹس لے: محمود ساغر
Sun Jan 8 , 2023
مظفر آ باد/سری نگر(پی پی آ ئی) کل جماعتی حریت کانفرنس کی آزاد جموں و کشمیر شاخ کے کنوینر محمود احمد ساغر نے کہاہے کہ بھارتی فوجیوں نے مقبوضہ علاقے میں اپنے مظالم میں تیزی لائی ہے اور وہ محاصرے اور تلاشی کارروائیوں کی آڑ میں بیگناہ نوجوانوں کو شہید کر رہے ہیں۔ کشمیر میٖڈیا کے مطابق محمود احمد ساغر […]