اپوزیشن کے ہر غیر آئینی اقدام کا مقابلہ کرنے کیلئے پہلے سے زیادہ پرعزم ہیں:پرویز الٰہی

لاہور(پی پی آ ئی)وزیراعلیٰ پنجاب چوہدری پرویز الٰہی نے تحریک انصاف کے ممبر قومی اسمبلی فرخ حبیب سے ملاقات کے دوران کہا ہے کہ تحریک انصاف کے ساتھ اتحاد ہر آنے والے لمحے مضبوط تر ہو رہا ہے۔ اپوزیشن کے ہر غیر آئینی اقدام کا مقابلہ کرنے کیلئے پہلے سے زیادہ پرعزم ہیں،اپوزیشن اپنے مذموم عزائم میں ہمیشہ کی طرح ناکام ر ہیں گے۔ بدقسمتی سے کچھ عناصر نے سیاست کو بیوپار بنا لیا ہے۔چوہدری پرویزالٰہی کا کہنا تھا کہ قوم دیکھ رہی ہے کہ کس طرح ضمیروں کے سودے کئے جا رہے ہیں۔اپوزیشن کے ہر غیر آئینی اقدام کا مقابلہ کرنے کیلئے پہلے سے زیادہ پرعزم ہیں۔پرویزالٰہی نے دعوی کیا کہ ن لیگ انتشار کا ایجنڈا لے کر چل رہی ہے جبکہ وہ عوامی خدمت کے ایجنڈے کو آگے بڑھا رہے ہیں۔