گزشتہ رات پنجاب اسمبلی کی تاریخ کا بدترین واقعہ ہوا:حمزہ شہباز

لاہور(پی پی آ ئی) پاکستان مسلم لیگ نواز (ن) کے رہنما حمزہ شہباز نے کہا ہے کہ رات کے اندھیرے میں اسمبلی قواعد اور آئین پر شب خون مارا گیا۔وزیراعلیٰ پنجاب کے اعتماد کے ووٹ پر لیگی رہنما حمزہ شہباز نے کہا کہ گزشتہ رات پنجاب اسمبلی کی تاریخ کا بدترین واقعہ ہوا، جھرلو اور ہیرا پھیری کرکے اعتماد کے ووٹ کا تقدس پامال کیا گیا ہے۔انہوں نے کہا کہ پولنگ ایجنٹ مقرر نہ کرکے حکومت نے اپنی بدنیتی اور بد دیانتی ثابت کر دی ہے، رات کے اندھیرے میں اسمبلی قواعد اور آئین پر شب خون مارا گیا۔حمزہ شہباز نے کہا کہ دھوکے سے اسمبلی کارروائی شروع کرکے جعلی گنتی کی گئی، اس بدترین دھاندلی کے خلاف آئینی اور قانونی آپشن استعمال کئے جائیں گے۔