بلدیاتی انتخابات کا انعقاد خوش آئند ہے: سعید غنی

کرا چی(پی پی آ ئی)پاکستان پیپلز پارٹی کے صوبائی وزیر سعید غنی نے کہا ہے کہ بلدیاتی انتخابات کا انعقاد خوش آئند ہے۔اتوار کے روز بلددیاتی انخابات کے دن ووٹ کاسٹ کرنے اپنے حلقے کے علاقے چنیسر گوٹھ پہنچ کر سعید غنی نے میڈیا سے گفتگو کرتے ہوئے کہا کہ بلدیاتی انتخابات کا انعقاد خوش آئند ہے، کراچی میں سیکیورٹی کے فول پروف انتظامات کیے گئے ہیں۔ایم کیو ایم سے متعلق سوال پرسعید غنی کا کہناتھا کہ انتخابات سے بائیکاٹ ان کا اپنا فیصلہ ہے۔انہوں نے مزید کہا کہ پیپلزپارٹی شہر کی سب سے بڑی سیاسی جماعت بن کر سامنے آئے گی، شہر کراچی بھٹو کا ہے، نتائج اس بات کو ثابت کردیں گے، اب میئر کراچی پیپلزپارٹی کا جیالا ہوگا۔