ساری تنخواہ گھرکے کرائے، بجلی، گیس، فون کے بلوں ودوسری ضروریات پر خرچ
مہنگے آٹے،طویل لوڈ شیڈنگ اور گیس کے کم پریشر نے مشکلات کو مزیدبڑھادیا
کراچی (پی پی آئی) لینڈ لائن فون،بجلی اورگیس کے بلوں نے صارفین کاجینا دوبھر کردیا ہے،کم آمدنی والے سفید پوش گھرانے یوٹیلیٹی بلز زیادہ آنے سے شدید پریشان ہیں بھاری یوٹیلیٹی بلز کی ادائیگی کے بوجھ سے ان کی نیند حرام ہو رہی ہے۔پی پی آئی کے مطابق تنخواہ دار طبقے کی ساری تنخواہ گھروں کے کرائے، بجلی، گیس اور فون کے بلوں اور دوسری ضروریات پر خرچ ہوجاتی ہے۔ اضافی بلنگ کا مسئلہ بجلی کے صارفین کو پریشان کررہا ہے،طویل لوڈ شیڈنگ اور گیس کے کم پریشر نے مشکلات مزیدبڑھادی ہیں،تنخواہ دار طبقے کاکہنا ہے کہ اشیاء خوردونوش کی قیمتیں آسمان سے باتیں کررہی ہیں۔ عوام کو دووقت کی روٹی کا حصول بھی مشکل ترین بنادیا گیا ہے۔