پاکستان کا موجودہ موسم،کہیں برفباری،کہیں بارش،کہیں خون جمانیوالی سردی

مظفر آباد(پی پی آ ئی)ملک بھر میں کہیں بارش تو کہیں برفباری کا سلسلہ جاری ہے، آزاد کشمیر شدید سردی کی لپیٹ میں ہے، جہاں درجہ حرارت منفی 17 ڈگری تک گرگیا۔ بارش اور برفباری کے باعث الرٹ بھی جاری۔محکمہ موسمیات کی جاری کردہ ایڈوائزری کے مطابق آزاد کشمیر کی وادی نیلم کے آخری گاؤں تاؤ بٹ کا درجہ منفی 17 ڈگری تک گر گیا ہے۔ پیر چناسی اور گنگا چوٹی پر منفی 12 ریکارڈ، مظفر آباد میں دو سینٹی گریڈ، راولاکوٹ میں منفی ایک ریکارڈ کیا گیا۔ آزاد کشمیر کے بالائی علاقوں میں برف کی کئی فٹ موٹی تہہ بھی جم چکی ہے۔بارش اور برف باری کا سبب بننے والی مغربی ہوائیں شمالی بلوچستان میں داخل ہوگئیں۔