ورلڈ بینک سے قرضوں کی منظوری میں تاخیر سے متعلق خبریں بے بنیاد قرار

اسلام آ باد(پی پی آ ئی) ورلڈ بینک کے کنٹری ڈائریکٹر نے کہا ہے کہ پاکستان میں عالمی بینک کے ممکنہ قرضوں کی منظوری میں تاخیر کے حوالے سے خبریں بے بنیاد ہیں۔سماجی رابطے کی ویب سائٹ ٹوئٹر پر ورلڈ بینک کے کنٹری ڈائریکٹر نے بیان جاری کرتے ہوئے کہا ہے کہ ہمارے تمام مجوزہ آپریشنز اور ان کی رقوم سے متعلق بورڈ کی منظوری کی تاریخیں واضح ہیں۔ انہوں نے کہا کہ عالمی بینک مناسب طریقہ کار کے بعد اور مجوزہ منصوبوں کی تیاری کی بنیاد پر بورڈ کے غور و خوض کے لیے پروجیکٹ کی تجاویز کے تبادلے کے وقت کا فیصلہ کرتا ہے۔