قومی خواتین کرکٹ ٹیم کا تربیتی کیمپ شہرقائد میں جاری

کراچی: قطرمیں تین ملکی ٹورنامنٹ کی تیاری کیلئے قومی خواتین کرکٹ ٹیم کا تربیتی کیمپ شہرقائد میں جاری ہے، کھلاڑی اورآفیشلزایونٹ میں بہترنتائج دینے کیلئے پرامید ہیں۔ کراچی میں جاری تربیتی کیمپ میں 16 کھلاڑی صبح اورشام کے سیشنز پریکٹس میں مصروف ہیں۔ کیمپ میں بولنگ بیٹنگ اورفیلڈنگ کے علاوہ فزیکل فٹنس کوبہتربنانے پربھی خصوصی توجہ دی جارہی ہے۔کپتان ثناءمیراور سینئر بلے بازنین عابدی کے مطابق وہ جنوبی افریقہ اورآئرلینڈ جیسی مضبوط ٹیموں سے مقابلے کے پیش نظرزیادہ محنت کر رہی ہیں۔ کھلاڑیوں کی فٹنس ماضی کے مقابلے میں بہترہوئی ہے، امید ہے سخت مقابلہ ہوگا۔کوچ محتشم رشید کہتے ہیں کہ کھلاڑی تربیتی کیمپ میں سخت محنت کے ساتھ اپنی خامیوں پرقابو پانے کی کوشش بھی کررہی ہیں۔ پاکستان ویمن کرکٹ ٹیم قطر میں جنوبی افریقہ اورآئرلینڈ کیخلاف ون ڈے اورٹی ٹوئنٹی ٹورنامنٹ میں حصہ لیگی۔