پی ایس بی ملازمین نے انتظامیہ کےخلاف شکایت نامے لکھ دیے

کراچی: پاکستان اسپورٹس بورڈ ملازمین اور انتظامیہ کے درمیان تنازع میں شدت آگئی ۔مراعات واپس لینے پر مشتعل پی ایس بی یونین نے وفاقی وزیر برائے بین الصوبائی رابطہ ریاض حسین پیرزادہ اور وفاقی سیکریٹری محمد اعجاز چوہدری کو علیحدہ علیحدہ تحریری شکایات ارسال کردیں ۔یونین عہدیداروں نے متعلقہ حکام سے مطالبہ کیا ہے کہ ملازمین اور انتظامیہ میں کشیدگی ختم کرنے اور ملازمین کی بقا کے لئے غیر متنازعہ انتظامی افسروں کو تعینات کیاجائے اورادارے کی اصل روح کے مطابق کھیلوں کے فروغ کی جانب توجہ مبذول کی جاسکے۔