پنجاب یوتھ فیسٹیول: طمانچہ کبڈی اور گھوڑوں کا رقص توجہ کا مرکز رہا

لاہور: پنجاب یوتھ فیسٹیول کے تیسرے مرحلے میں کبڈی کے میچ کے دوران کھلاڑیوں کے طمانچوں کی بارش نے ماحول گرما دیا جبکہ ڈھول کی تھاپ پر گھوڑوں کا رقص توجہ کا مرکز بنا رہا۔ واپڈا اسپورٹس کمپلیکس لاہور میں پنجاب یوتھ فیسٹیول کے تحصیل سطح پر ہونے والے مقابلوں میں کبڈی میچ کا انعقاد کیا گیا۔جس میں پہلے نارمل اور پھر طمانچہ کبڈی کھیلی گئی۔ جس میں کھلاڑیوں کے ایک دوسرے پر طمانچوں کے استعمال نے سماں باندھ دیا۔ ڈھول کی تھاپ پر گھوڑوں کے رقص نے کبڈی میچ کے حاضرین کے دل موہ لئے۔ کبڈی میچ کے دوران میوزیکل شو میں فنکاروں کی پرفارمنس پر کھلاڑیوں نے خوب بھنگڑے ڈالے جس سے میچ کو چار چاند لگ گئے۔