برازیل : فیفا ورلڈ کپ کے انعقاد کے خلاف ہزاروں افراد کا احتجاج

ساﺅپالو: فیفا ورلڈ کپ 2014کے میزبان ملک برازیل کی پریشانیوں میں مزید اضافہ ہوگیا ۔ ہزاروں افراد نے گزشتہ روز سڑکوں پر آکر میگا ایونٹ کے انعقاد کے خلاف احتجاج کیا ۔ مظاہرین کا کہنا تھا کہ برازیلی حکومت ورلڈ کپ کے ایونٹ پر 14بلین ڈالرز کی رقم خرچ کررہی ہے جبکہ اس رقم سے پورے ملک میں ہسپتالوں اور اسکولوں کی حالت درست کی جاسکتی ہے ۔ مظاہرین نے مطالبات پورے نہ ہونے پر دوبارہ احتجاج کرنے کا اعلان کیا ہے ۔