پاکستانی آل راﺅنڈر یاسر عرفات رواں ماہ انگوٹھے کی سرجری کرائیں گے

میلبورن: پرتھ اسکارچرز کے پاکستانی آل راﺅنڈر یاسر عرفات رواں ماہ سرجری کرائیں گے ۔پرتھ اسکارچرز کی طرف سے جاری کردہ ایک بیان کے مطابق عرفات رواں ماہ کے آخر میں اپنے انگوٹھے کی سرجری کرائیں گے جس کے باعث وہ لیگ کے بقیہ میچوں میں ٹیم کو دستیاب نہیں ہوں گے ۔عرفات بگ باش کے رواں سیز ن میں پرتھ اسکارچرز کی طرف سے سب سے زیادہ وکٹیں حاصل کرنے والے بولر ہیں ،انہوں نے 6میچوں میں 12وکٹیں حاصل کررکھی ہیں ۔