آسٹریلوی بلے باز شان مارش انجری کے باعث دورہ جنوبی افریقا سے باہر

سڈنی: آسٹریلوی کرکٹ ٹیم کے ٹاپ آرڈر بلے باز شان مارش فٹنس مسائل کے باعث دورہ جنوبی افریقا سے باہر ہوگئے ۔ آسٹریلوی سلیکٹر جان انویرا ریٹی نے اپنے ایک بیان میں کہا ہے کہ شان مارش پسلی کی انجری سے چھٹکار ا حاصل کرنے میں ناکام رہے جس کی وجہ سے وہ جنوبی افریقا کے خلاف سیریز میں حصہ نہیں لے سکیں گے ۔مارش کی جگہ فلیپ ہیوز کو اسکواڈ میں طلب کیا گیا ہے ۔ کینگروز اور پروٹیز کی ٹیموں کے درمیان ٹیسٹ سیریز کا آغاز 12فروری سے ہوگا ۔