اقوام متحدہ جنوبی ایشیا میں بڑی ایٹمی تباہی کو روکنے کیلئے

تنازعہ کشمیر کے حل کیلئے مداخلت کریں: کل جماعتی حریت کانفرنس

سری نگر(پی پی آ ئی)بھارت کے زیر قبضہ جموں و کشمیر میں کل جماعتی حریت کانفرنس نے اقوام متحدہ کے سیکرٹری جنرل انتونیو گوتریس سے مطالبہ کیا ہے کہ وہ جنوبی ایشیا کے خطے میں بڑی ایٹمی تباہی کو روکنے کے لیے دیرینہ تنازعہ کشمیر کے حل کیلئے فوری مداخلت کریں۔کشمیر میڈیا کے مطابق کل جماعتی حریت کانفرنس کے ترجمان نے اپنے بیان میں خبردار کیاکہ تنازعہ کشمیر کو مسلسل نظر انداز کرنے اور مقبوضہ علاقے میں بھارتی قابض افواج کے ہاتھوں بڑے پیمانے پر انسانی حقوق کی خلاف ورزیوں نے خطے میں ایٹمی جنگ کے خطرے کو بڑھا دیا ہے۔ انہوں نے کہا کہ جموں و کشمیر اقوام متحدہ کا تسلیم شدہ متنازعہ علاقہ ہے اور عالمی دارے کی ذمہ داری ہے کہ وہ اس دیرینہ تنازعے کوسلامتی کونسل کی متعلقہ قراردادوں کے مطابق حل کرائے۔ انہوں نے مزید کہا کہ نہ صرف عالمی برادری بلکہ بھارت اور پاکستان دونوں نے بھی جموں و کشمیر کے عوام کو انکاحق خودارادیت دینے کا وعدہ کیاتھا۔ تاہم کشمیری گزشتہ سات دہائیوں سے مسلسل اپنے اس حق سے مسلسل محروم ہیں۔انہوں نے زور دیا کہ اس تنازعہ کا کشمیری عوام کی خواہشات کے مطابق حل اقوام متحدہ کی اولین ترجیح ہونی چاہیے۔عالمی برادری کی بے حسی پر افسوس کا اظہار کرتے ہوئے حریت ترجمان نے کہا کہ جموں و کشمیر دنیا کی توجہ کااس لیے مرکز نہیں بن سکتا کیونکہ اس کے پاس تیل کے ذخائر موجود نہیں ہیں۔

Next Post

پاکستان کا جوہری پروگرام مکمل طور پر محفوظ ہے: دفتر وزیراعظم کا بیان

Thu Mar 16 , 2023
اسلام آ باد(پی پی آ ئی) پاکستان کا جوہری پروگرام مکمل طور پر محفوظ ہے۔وزیر اعظم کے دفتر سے جاری بیان میں کہا کہا گیا ہے کہ پاکستان کے جوہری اور میزائل پروگرام کے حوالے سے سوشل اور پرنٹ میڈیا میں گردش کرنے والے حالیہ تمام بیانات، پریس ریلیزز، سوالات اور مختلف دعوے غلط ہیں۔پاکستان کے پرامن ایٹمی پروگرام کے […]