ہاکی انڈیا لیگ کے لئے اڑھائی کروڑ کی انعامی رقم کا اعلان

نئی دہلی: ہاکی انڈیا لیگ کے لئے اڑھائی کروڑ کی خطیر انعامی رقم کا اعلان کردیا گیا ۔ہاکی لیگ کا آغاز 25جنوری سے ہوگا ۔ فاتح ٹیم کو ایک کروڑ 25لاکھ جبکہ رنر اپ کو 75لاکھ روپے ملیں گے ۔ ایونٹ کے بہترین کھلاڑی کو 25لاکھ روپے انعام دیا جائے گا ۔ لیگ میں چھ ٹیمیں حصہ لیں گی جن میں عالمی کھلاڑی شامل ہیں تاہم پاکستانی کھلاڑیوں کو نظر انداز کردیا گیا ہے ۔ لیگ کے میچ لکھنو،ممبئی ،نئی دہلی ،موہالی ،رانچی اور بھوبھنیشور میں کھیلے جائیں گے ۔