سیکیورٹی خدشات ، آئی پی ایل 7کی میزبانی کیلئے دبئی فیورٹ قرار

ممبئی: بھارت میں عام انتخابات میں سیکیورٹی خدشات کے پیش نظر بی سی سی آئی نے آئی پی ایل کی میزبانی کے لئے متحدہ عرب امارات کے نام پر غور شروع کردیا ۔ بھارت میں اپریل میں ہونے والے عام انتخابات کے دوران آئی پی ایل جیسے ہائی پروفائل ایونٹ کا منعقد ہونا کھلاڑیوں کے تحفظ کے لئے خطرات لاحق ہوسکتے ہیں ۔ اس مقصد کے لئے سری لنکا،جنوبی افریقا اور بنگلہ دیش کے بعد اب یو اے ای کے نام پر بھی غور شروع کردیا گیا ہے ۔ذرائع کے مطابق اخراجات میں کمی کی وجہ سے آئی پی ایل کا ساتواں ایڈیشن یو اے ای میں ہوسکتا ہے ۔