پاکستان سکی ٹیم جنوبی کوریا سے گولڈ میڈل جیتنے کے بعد وطن واپس

اسلام آباد: پاکستان سکی ٹیم کا دستہ جنوبی کوریا کے صوبے گینگون میں ہونے والے ڈریم ٹریننگ پروگرام 2014میں سنسنی خیز مقابلے کے بعد سونے اور کانسی کے تمغے جیتنے کے بعد وطن واپس پہنچ گیا ۔قومی دستے میں شامل ضیا ءالرحمٰن نے سونے جبکہ محمد امتیاز نے کانسی کا تمغہ جیتا ۔پاکستان سکی فیڈریشن کے صدر ائیر مارشل اطہر حسین بخاری نے پاکستانی دستے سے ملاقات کی اور کھلاڑیوں کو میڈلز جیتنے پر مبارکباد پیش کی ۔اطہر حسین نے امید ظاہر کی ڈریم ٹریننگ پروگرام سے قومی ٹیم کو انٹرنیشنل مقابلوں میں بھرپور فائدہ ہوگا ۔