ڈیوس کپ ٹینس : راجر فیڈرر نے شرکت کی تصدیق کردی

پیرس: سوئٹزر لینڈ کے شہرہ آفاق ٹینس اسٹار راجر فیڈرر نے قازقستان کے خلاف ڈیوس کپ کوارٹر فائنل میں شرکت کی تصدیق کردی ۔ایونٹ رواں برس اپریل میں منعقد ہوگا ۔ راجر فیڈرر نے اپنے ایک بیان میں کہا ہے کہ اپنے ملک کی نمائندگی کرنامیرے لئے ایک اعزاز کی بات ہے اور قازقستان کے خلاف ڈیوس کپ کوارٹر فائنل میں وہ بھر پور انداز میں شرکت کریں گے ۔واضح رہے کہ راجر فیڈرر نے اسٹینلاس واورینکا کے ساتھ مل کر ڈیوس کپ ٹائی ورلڈ گروپ کے ابتدائی راﺅنڈ میں سربین ٹیم کو شکست دے کر اپنی ٹیم کو کوارٹر فائنل تک رسائی دلانے میں اہم کردار ادا کیا تھا ۔