پی سی بی گورننگ باڈی تحلیل کرکے ذکاءاشرف کو فارغ کردیا گیا

اسلام آباد: پاکستان کرکٹ بورڈ کے سرپرست اعلیٰ وزیراعظم پاکستان میاں محمد نواز شریف نے پی سی بی کے گورننگ بورڈ کو تحلیل کر کے چیئرمین پی سی ذکاءاشرف کو عہدے سے ہٹا دیا۔اس سلسلے میں بین الصوبائی وزارت نے نوٹیفکیشن جاری کر دیا،پی سی بی کا دستور بھی معطل کر دیا گیا ہے۔سابق چیئرمین پی سی بی ذکا اشرف نے اس اقدام پر انتہائی افسوس اور ناراضگی کا اظہار کرتے ہوئے کہا کہ کرکٹ بورڈ جیسے باوقار ادارے کو سیاست کی نظر کیے جانا افسوسناک ہے۔انھوں نے کہا کہ مجھے باضابطہ طور پر آگاہ نہیں کیا گیا،نوٹیفکیشن ملنے کے بعد عدالت جانے کا فیصلہ کروں گا۔انھوں نے کہا کہ دیکھنا ہو گا کہ حکومتی مداخلت پر آئی سی سی کا ردعمل کیا آتا ہے۔ذکا اشرف کو فارغ کیے جانے کے بعد نجم سیٹھی کو واپس قائم مقام چیئرمین بنائے جانے کا امکان ہے۔