پاک بھارت ہاکی سیریز کے انعقاد کےلئے انٹرنیشنل ہاکی فیڈریشن سرگرم

لاہور: پاکستان اور بھارت کے درمیان ہاکی سیریز کے انعقاد کے لئے انٹرنیشنل ہاکی فیڈریشن سرگرم ہوگئی ۔باوثوق ذرائع کے مطابق پاک بھارت ہاکی سیریز کی بحالی کے سلسلے میں آئندہ چند روز میں انتہائی اہم پیش رفت متوقع ہے ۔پی ایچ ایف اور ہاکی انڈیا حکام کے درمیان ہونے والے تازہ ترین رابطے میں پی ایچ ایف کے صدر اختر رسول چوہدری نے ہاکی انڈیا کو ایک مرتبہ پھر انڈین ہاکی ٹیم کو دورہ پاکستان کی دعوت دیتے ہوئے کہا ہے کہ بھارتی ٹیم کی پاکستان آمد پر ان کو فول پروف سیکیورٹی مہیا کی جائے گی ۔