چیئرمین پی سی بی نجم سیٹھی 28فروری کو ڈھاکا روانہ ہوں گے

لاہور: پاکستان کرکٹ بورڈ کے چیئرمین نجم سیٹھی ایشیا کپ کے میچوں کو دیکھنے کے لئے 28فروری کو ڈھاکا روانہ ہوں گے ۔بورڈ کے چیف آپریٹنگ آفیسر سبحان احمد بھی نجم سیٹھی کے ہمراہ ہوں گے ۔پی سی بی ذرائع کے مطابق نجم سیٹھی بنگلہ دیش کے دورے کے موقع پر بھارت ،سری لنکا اور بنگلہ دیش کے کرکٹ بورڈز کے حکام سے ملاقاتیں کریں گے اور بگ تھری کے معاملے پر پی سی بی کے نئے موقف سے انہیں آگاہ کریں گے ۔