شدیدمالی بحران ،اذلان شاہ کپ میں قومی ٹیم کی شرکت مشکوک

لاہور: شدید مالی بحران کے باعث قومی ہاکی ٹیم کی اذلان شاہ کپ میں شرکت مشکوک ہوگئی ۔فیڈریشن کے پاس اذلان شاہ ہاکی ٹورنامنٹ کیلئے کیمپ تک لگانے کے پیسے نہیں، ایونٹ میں پاکستان کی شرکت مشکوک نظر آرہی ہے۔ذرائع کے مطابق وزارت بین الصوبائی رابطے نے پی ایچ ایف کو ایونٹ کیلئے فنڈز دیئے ہی نہیں، وزیراعلیٰ پنجاب کی جانب سے اعلان کردہ رقم بھی اب تک فیڈریشن کو نہیں ملی۔آئندہ ماہ 13 تاریخ سے شروع ہونے والے اذلان شاہ ایونٹ کیلئے تاحال کیمپ نہیں لگ سکا، فنڈز نہ ملے تو قومی ہاکی ٹیم گھر بیٹھے ٹورنامنٹ دیکھے گی۔