کرس گیل انگلینڈ کیخلاف ہوم ون ڈے سیریز سے باہر ہوگئے

کنگسٹن: ویسٹ انڈیز کے ا سٹار آل راﺅنڈر کرس گیل انگلینڈ کیخلاف ہوم ون ڈے سیریز سے باہر ہوگئے۔ انہیں کمر میں تکلیف لاحق ہے، میزبان بورڈ نے انگلینڈ سے تین میچز پر مشتمل سیریز میں اسکواڈ میں کرس گیل کی عدم دستیابی پر ڈیون سمتھ کو بطور متبادل شامل کر لیا ہے۔ گیل کو یہ انجری آئرلینڈ کیخلاف پہلے ٹی 20 میں پیش آئی تھی جس کے بعد انہوں نے یورپی حریف کیخلاف دوسرا میچ نہیں کھیلا تھا۔ وہ جمیکا میں اپنی کمر کا ٹریٹمنٹ کروائیں گے۔ انگلینڈ اور ویسٹ انڈیز کے درمیان ون ڈے سیریز 28 فروری سے شروع ہوگی۔ دیگر دو میچز بالترتیب 2 اور 5 مارچ کو شیڈول ہیں اس کے بعد مہمان ٹیم بارباڈوس میں تین ٹی 20 میچز کھیلے گی۔