ٹی ٹوئنٹی ورلڈ کپ جیتنے کے لیے پاکستا ن کو بڑے چیلنجز کا سامنا ہے : معین خان

کراچی: قومی کرکٹ ٹیم کے چیف کوچ معین خان کا کہنا ہے کہ ورلڈ کپ ٹی ٹوئنٹی دوبارہ جیتنے کے لیے پاکستان کو بڑے چیلنجز کا سامنا ہے۔ ایشیا کپ میں فاسٹ بولنگ کا شعبہ توقعات پر پورا نہیں اترسکا۔ کراچی میں میڈیا سے گفتگوکرتے ہوئے معین خان کا کہنا تھا کہ ورلڈ ٹی ٹوئنٹی کے سپر راونڈ میں بھارت، آسٹریلیا اور ویسٹ انڈیزکو ہرانے کے لیے غیر معمولی کھیل کا مظاہرہ کرنا ہوگا۔ انھوں نے کہا کہ سپر ٹین میں ہرٹیم اپنے مخالف کو ہرانے کی پوری صلاحیت رکھتی ہے۔ مختصر فارمیٹ کے سبب پیش گوئی کرنا مشکل ہے لیکن جو ٹیم میچ میں بدلتی صورت حال کے مطابق فائدہ اٹھائے تو وہ کامیاب ہوگی۔ معین خان کا کہنا تھا کہ ایشیا کپ میں فاسٹ بولرز کی کارکردگی توقعات کے برخلاف رہی۔ عمر گل عمدہ بولنگ کرنے میں ناکام رہے۔ ریورس سوئنگ اور یارکربھی نظر نہیں آئی۔

Latest from Blog