وسیم اکرم کی کولکتہ نائٹ رائیڈرزکے تربیتی سیشن میں شمولیت

دبئی: سابق کپتان وسیم اکرم نے دبئی میں شاہ رخ خان کی ٹیم کولکتہ نائٹ رائیڈرز کوجوائن کر لیا ۔کولکتہ نائٹ رائیڈرز دبئی پہنچنے والی آئی پی ایل کی پہلی ٹیم ہے ، ٹیم کے کھلاڑی سونگ کے سلطان وسیم اکرم کے دوبارہ باﺅلنگ کنسلٹنٹ مقرر ہونے پر بہت خوش ہیں ۔ وسیم اکرم نے پریکٹس سیشن میں حصہ لیا اس سے قبل انھوں نے سماجی رابطے کی ویب سائٹ پر ٹیم کے پہلے سیشن کی تیاری اور کھلاڑیوں کے جوش کی تعریف کی ۔ وسیم اکر م 2010سے2012تک مسلسل تین ایڈیشن میں کولکتہ کے بولنگ کنسلٹنٹ رہے تاہم اس کے بعد انھیں فارغ کر دیا گیا تھا ۔ سابق لیجنڈری بولر نے ابتدائی ٹریننگ سیشن میں حصہ لینے سے قبل پیغا م دیا کہ میں پہلے تربیتی سیشن کے لیے تیارہوں ، کھلاڑی پر جوش اور مثبت نظر آرہے ہیں۔کولکتہ نائیٹ رائیڈرز اپنا پہلا میچ بدھ کو ممبئی انڈینز کے خلاف ابو ظہبی میں کھیلے گی ۔