سولر سسٹم سے بجلی کی پیداوار کرنیوالے صارفین کو ریلیف دینے کا فیصلہ

لاہور(پی پی آئی))لیسکو نے سولر سسٹم سے بجلی کی پیداوار کرنے والے صارفین کو ریلیف دینے کا فیصلہ کر لیا گیا۔پی پی آئی کے مطابق  میٹر ساز کمپنیوں نے بائی ڈائریکشنل میٹرز کی قیمتوں میں 6000 روپے تک کمی کر دی ہے،بائی ڈائریکشنل میٹرز کی قیمتوں کو 42 ہزار سے کم کر کے 36000 روپے کر دیا گیا،اس سے قبل مارکیٹ میِں بائی ڈائریکشنل میٹرز کو بلیک میں مختلف قیمتوں پر فروخت کیا جا رہا تھا۔ لیسکو کی جانب سے میٹرز کی خریداری کو آؤٹ سورس کرنے پر قیمتوں میں اضافہ ہوا تھا۔