شہرقائدمیں ہلکی بارش کے ساتھ ہی خشک

کراچی (پی پی آئی)شہرقائدمیں ہلکی بارش اور موسم میں خنکی کے ساتھ ہی خشک میوہ جات کا استعمال اور مانگ بڑھ گئی،قیمتوں میں بھی ہوشربا اضافہ دیکھنے میں آ رہا ہے۔پی پی آئی کے مطابق موسم سرما شروع ہوتے ہی خشک میوہ جات کی قیمتیں آسمان سے باتیں کرنے لگی ہیں۔گزشتہ سال چلغوزہ فی کلو گرام 4 ہزار روپے میں دستیاب تھا مگر اب چلغوزے کی فی کلوگرام قیمت6 ہزار روپے سے بھی تجاوز کر گئی ہے۔پستہ 3 ہزار روپے فی کلو گرام جبکہ بادام 18 سو روپے میں فروخت ہو رہا ہے۔