اسٹورٹ براڈ سری لنکا کے خلاف ون ڈے سیریز سے باہر

لندن: انگلینڈ کی ٹی 20کرکٹ ٹیم کے کپتان اسٹورٹ براڈ ٹخنے کی انجری کے باعث سری لنکا کے خلاف ون ڈے سیریز سے باہر ہوگئے۔ اسٹورٹ براڈ نے کہا ہے کہ وہ ٹخنے کی انجری کے باعث سری لنکا کے خلاف ایک روزہ سیریز میں حصہ نہیں لے سکیں گے تاہم وہ پر امید ہیں کہ تیسٹ سیریز تک فٹ ہوجائیںگے۔اسٹورٹ براڈ ٹخنے کی انجری کے باعث نئے سیزن میں بھی حصہ نہیں لے سکیں ہیں لیکن براڈ 25مئی سے شروع ہونے والی کاﺅنٹی چمپیئن شپ میں ناٹنگھم شائر کی نمائندگی کرنے کے خواہاں ہیں۔ براڈ نے کہا ہے کہ وہ پر امید ہیں کہ سرلی لنکا کے خلاف دو ٹیسٹ میچوں پر مشتمل سیریز کے 12جون سے آغاز سے قبل فٹ ہوجائیں گے، انھوں نے کہا کہ ایک ماہ کے آرام میں ہیں اور سو فی صد فٹ ہونے کے لیے یہ ضروری ہے۔