جیک کیلس نے کولکتہ نائٹ رائیڈرز کی ناکامیوں کی وجہ ناقص فیصلوں کو قرار دیا

دبئی: کولکتہ نائٹ رائیڈرزکے بیٹسمین جیک کیلس نے آئی پی ایل میں اپنی ٹیم کی کارکردگی میں عدم تسلسل کی وجہ ناقص فیصلہ سازی کو قرار دیا ۔نائٹ رائیڈر زدو جیت کے ساتھ پوائنٹس ٹیبل میں پانچویں نمبر پر موجود ہے جبکہ چار میچوں میں انھیں ناکامی کا سامنا کر نا پڑا ہے۔ جیک کیلس رائل چیلنجرز کے خلاف میچ سے باہر ہوئے تھے ان کا اس میچ کے بارے میں کہنا تھا کہ یہ افسوس ناک ہار تھی اوردہلی کے خلاف میچ میں ہمیں جیتنا چاہیے تھا۔ جیک کیلس نے کہا کہ کوئی بھی ٹیم جب کار گرفیصلے نہیںکر تی تواسے اچھے نتائج نہیں ملتے اور ہم بھی اسی کا شکا رہیں،انھوں نے کہا کہ ہمیں گیم کے اچھے اختتام کے لیے بہترین طریقے دریافت کرنے کی ضرورت ہے کیونکہ اکثر ہماری کار کردگی بہترین ہوتی ہے۔ کیلس نے کہا کہ میں نے اپنی اور دیگر کھلاڑیوںکی غلطیوں کو نشان ذدہ کر لیا ہے ، انھوں نے کہا کہ میںپوائنٹس ٹیبل کو آگے پیچھے نہیں کر سکتا لیکن میرے خیال میں ہمیں آئندے کے تمام میچوںمیں کامیابی ضرورحاصل کرنا ہوگی ۔