کیلی فورنیا سائیکل ریس: بریڈلے ویگنز نے دوسرا مرحلہ جیت لیا

کیلی فورنیا: برطانوی سائیکلسٹ بریڈ لے ویگنز نے ٹور آف کیلی فورنیا سائیکل ریس کا دوسرا مرحلہ جیت لیا۔ جیت کے ساتھ ریس میں مجموعی برتری بھی حاصل کرلی ۔ٹیم اسکائی کے چونتیس سالہ رائیڈر نے بیس کلومیٹر سے طویل فاصلہ 23منٹ اور18 سیکنڈز میں طے کیا۔ آسٹریلیا کے ڈینس روہن 44سیکنڈزکے فرق سے دوسرے نمبر پر رہے۔ بریڈلے ویگنز مجموعی برتری میں 5گھنٹے سات منٹ اور پینتیس سیکنڈ کے ساتھ سب سے آگے ہیں, ڈینس روہن دوسرے اور امریکا کے فینی ٹیلر تیسرے نمبر پر ہیں۔ لندن اولمپکس میں ٹائم ٹرائل مقابلے میں سونے کا تمغہ جیتنے والے ویگنز2012 میں بھی ٹورآف کیلی فورنیا جیت چکے ہیں۔ سات سو بیس کلو میٹر طویل کیلی فورنیا ریس میں دنیا بھر سے128 سائیکلسٹ حصہ لے رہے ہیں۔