روم ماسٹر ٹینس: رافیل نڈال،جوکووچ سیمی فائنل میں پہنچ گئے

روم: عالمی نمبرایک رافیل نڈال اور سربیا کے نواک جوکووچ روم ماسٹرز ٹینس ٹورنامنٹ کے سیمی فائنل میں پہنچ گئے۔اٹلی کے شہر روم میں جاری ایونٹ کے کوارٹر فائنل میں نڈال کا مقابلہ برطانوی اسٹار اینڈی مرے سے ہوا۔ کلے کورٹ کے بادشاہ نڈال نے پہلا سیٹ ہارنے کے بعد شاندار کم بیک کیا اور سخت مقابلے کے بعد میچ میں1-6۔ 6-3 اور7-5 سے کامیابی حاصل کی۔دوسرے کوارٹرفائنل میں برتھ ڈے بوائے بلغاریہ کے گریگو ڈیمیٹوروجرمنی کے ٹامی ہاس کے انجری کے باعث فاتح قرار پائے اور کیک سے فتح کا جشن منایا۔ایک اور کوارٹرفائنل میں عالمی نمبر دو نواک جوکووچ نے اسپینش حریف ڈیوڈ فیرر کو سخت مقابلے کے بعد ایونٹ سے باہر کر دیا۔ جوکووچ کی فتح کا اسکور7-5، 4-6 اور6-3 رہا۔کینیڈا کے کھلاڑی نمبر8سیڈ میلوس راﺅنک نے فرانس کے جیری شارڈے کو شکست دے کر سیمی فائنل میں جگہ بنالی جہاں ان کا مقابلہ جوکووچ سے ہوگا، عالمی نمبر نڈال کامقابلہ گریگوڈیمیٹو سے ہوگا۔