تاجروں کیلئے ٹیکس ادائیگی اور فائلنگ کا سواپ سسٹم لاگو نئے سسٹم

اسلام آباد(پی پی آئی)حکومت کی جانب سے انٹرنیشنل مانیٹری فنڈ(آئی ایم ایف) کی ایک اور شرط پوری کر دی گئی۔فیڈرل بورڈ آف ریونیو (ایف بی آر) نے ٹیکس ادائیگی اور فائلنگ کے لیے نئے سسٹم کی تفصیلات جاری کر دی ہیں۔ایف بی آر کے نوٹیفکیشن کے تحت سواپ سسٹم لاگو کیے جائے گا، اس سسٹم کے تحت تاجر کو ود ہولڈنگ ٹیکس کی ادائیگی کے لیے منفرد نمبر حاصل کرنا ہوگا، اس نمبر کے تحت ٹیکس فائلنگ کرنی ہوگی۔نوٹیفکیشن کے مطابق ہر تاجر کا ٹیکس پروفائل اسی ٹرانزیکشن سسٹم کے تحت تشکیل پائے گا،پی پی آئی کے مطابق  ٹیکس ریکارڈ رکھنے اور اس کی پڑتال کے لیے ایک ہی ٹیکنالوجی سسٹم اپنایا جائے گا۔نوٹیفکیشن میں مزید بتایا گیا ہے کہ ود ہولڈنگ ٹیکس ریکارڈ اور اس کے مطابق ٹیکس دہندگی کی مانیٹرنگ منسلک سسٹم کے تحت ہوگی، مال کی پیداواری خریداری اور فروخت کا ٹیکس ریکارڈ ایک ہی آن لائن سسٹم پر مانیٹر ہوگا۔

Latest from Blog