کراچی میں دفعہ 144 کے تحت پتنگ اڑانے پر پابندی عائد

کراچی(پی پی آئی)کراچی میں پتنگ کی ڈور سے پیش آنے والے نقصانات کے پیش نظر پتنگ اڑانے پر پابندی عائد کردی گئی۔پی پی آئی کے مطابق کمشنر کراچی نے بتایا کہ دفعہ 144کے تحت شہر میں پتنگ بنانے اور فروخت کرنے پر بھی پابندی عائد کر دی گئی ہے جو 30مارچ سے 29مئی تک برقرار رہے گی۔حالیہ دنوں میں کراچی میں پتنگ کی ڈور پھرنے سے متعدد افراد زخمی ہوئے ہیں۔۔سینئر سپرنٹنڈنٹ آف پولیس سینٹرل ذیشان شفیق صدیقی نے بتایا کہ پولیس نے پتنگ بازوں اور پتنگ سازوں کے خلاف کریک ڈاؤن شروع کر دیا ہے۔