رافیل نڈال اور سرینا ولیمز ٹینس رینکنگ میں سر فہرست

پیرس: فرنچ اوپن ٹینس کے کامیا ب انعقاد کے بعد ایسو سی ایشن آف ٹینس نے کھلاڑیوں کی رینکنگ جاری کر دی ۔ فرنچ اوپن کے نویں بار فاتح کا اعزاز پانے والے رافیل نڈال پہلے نمبر پرجبکہ خواتین کی فاتح ماریہ شراپوا پانچویں پوزیشن پر براجمان ہیں۔مردوںمیں سربیئن نوواک جوکوچ دوسرے،سوئٹزرلینڈ کے واورینکااور راجر فیڈرر تیسرے اور چوتھے، انگلینڈ کے اینڈی مرے پانچویں،چیک ری پبلک کے بریڈچ چھٹے اور اسپین کے فیرر ساتویں پر موجود ہیں۔ڈبلز ٹیم میں پاکستان کے اعصام الحق اور بھارتی بوپنا دسویں نمبر پر موجود ہیں۔خواتین کی رینکنگ میں ا مریکا کی سرینا ولیمز بدستور پہلے نمبر پر موجود ہیں،چین کی لینا دوسرے ، سیمونا ہیلپ تیسرے پر موجود ہیں ۔