شاہ محمود قریشی پْرامید ہیں، انہیں انصاف ہوتا نظر آ رہا ہے، مہربانو قریشی

راولپنڈی(پی پی آئی)پاکستان تحریک انصاف کے وائس چیئرمین شاہ محمود قریشی کے صاحبزادی مہربانو قریشی نے کہا ہے کہ ملک میں انصاف ہوتا نظر آرہا ہے۔پی پی آئی کے مطابق اڈیالہ جیل راولپنڈی کے باہر میڈیا سے گفتگو کرتے ہوئے انہوں نے کہا کہ ہماری شاہ محمود قریشی سے ملاقات ہوئی تھی، انکی صحت بالکل ٹھیک تھی۔ 6 ججز کی آئین کی بالادستی کے لیے بہادری سے شاہ محمود کا حوصلہ بڑھاہے۔مہربانو قریشی کا کہنا تھا کہ شاہ محمود قریشی پْر امید ہیں، ان کو ملک میں انصاف ہوتا نظر آ رہا ہے۔ کرب سے گزرنے کے باوجود ہم پاکستان کو مضبوط اور مستحکم دیکھنا چاہتے ہیں۔

Latest from Blog