کراچی(پی پی آئی)عالمی منڈی میں تیل کی قیمت چھ ماہ کی بلند ترین سطح کے قریب پہنچ گئی۔رپورٹ کے مطابق جمعہ کو تیل کی قیمت میں اضافہ ہوا کیونکہ مشرق وسطیٰ میں بڑھتی ہوئی کشیدگی نے تیل پیدا کرنے والے خطے سے سپلائی میں خلل پڑنے کا خطرہ بڑھا دیا ہے۔اس خدشے کے پیش نظر کہ ایران پیر کے روز دمشق میں اپنے سفارت خانے پر حملے کا جواب دے سکتا ہے اس ہفتے تیل کی قیمت چھ ماہ کی بلند ترین سطح کے قریب پہنچ گئی ہے۔پی پی آئی کے مطابق منڈی میں برینٹ کروڈ فیوچر 66 سینٹ یا 0.7 فیصد اضافے کے ساتھ 90.40 ڈالر فی بیرل ہو گیا جبکہ یو ایس ویسٹ ٹیکساس انٹرمیڈیٹ کروڈ فیوچر 90 سینٹ یا 1.1 فیصد اضافے کے ساتھ 85.92 ڈالر تک پہنچ گیا۔بین الاقوامی توانائی ایجنسی کی جانب سے 2024 کی عالمی تیل کی طلب میں اضافے کی پیشگوئی کو کم کرنے اور 2025 میں مزید سست روی کی پیش گوئی کے بعد قیمتوں میں اضافہ ہوا۔
Next Post
کراچی سمیت سندھ کے مختلف شہروں میں آج سے بارشوں کی پیشگوئی
Fri Apr 12 , 2024
کراچی(پی پی آئی)کراچی سمیت سندھ کے مختلف شہروں میں ہفتہ سے بارش کی پیشگوئی کی گئی ہے۔محکمہ موسمیات کے مطابق شہرِ کراچی میں 13 اور 14 اپریل کو بادل برسنے کا امکان ہے۔ پی پی آئی کے مطابق سندھ کے مختلف علاقوں میں کہیں معتدل اور کہیں موسلا دھار بارش کا امکان ہے۔محکمہ موسمیات کا کہنا ہے کہ مغربی ہواوں […]