پرویز الٰہی، میں، میری اولاد اورتمام اہلخانہ عمران کیساتھ ہیں: قیصرہ الٰہی

گجرات(پی پی آئی) تحریک انصاف  کے مرکزی صدرچودھری پرویز الٰہی کی اہلیہ قیصرہ الٰہی نے کہا ہے کہ پرویز الٰہی سمیت میں، میری اولاد اور میرے گھر والے سب بانی پی ٹی آئی کیساتھ ہیں۔پی پی آئی کے مطابق پی پی 32 گجرات کی الیکشن مہم کے دوران کنجاہ میں خطاب کرتے ہوئے قیصرہ الٰہی نے کہا کہ لوگوں کو غلط فہمی تھی کہ اتنی مشکلات کے بعد شاید چودھری پرویزالٰہی بانی پی ٹی آئی کا ساتھ چھوڑ دیں گے۔قیصرہ الٰہی نے کہا کہ لوگ کہتے تھے کہ چودھری پرویزالٰہی اپنے رشتہ داروں کی باتوں میں آ کر بانی پی ٹی آئی کا ساتھ چھوڑ دیں گے۔انہوں نے کہا کہ چودھری پرویز الٰہی کا ایسے لوگوں کیلئے پیغام ہے کہ میں بانی پی ٹی آئی کا ساتھ کیوں چھوڑ دوں؟ انہوں نے کہا کہ ایک سال سے پرویزالٰہی بانی پی ٹی آئی کے ساتھ کھڑے ہونے کی وجہ سے صعوبتیں برداشت کر رہے ہیں لیکن ان کا ساتھ نہیں چھوڑا۔

Latest from Blog