کراچی میں مزید دو بچوں میں پولیو کی تصدیق

کراچی:کراچی میں پو لیو کے دو نئے کیس سامنے آگئے ہیں جس کے بعدپاکستان میں پولیو سے متاثرہ بچوں کی تعداد164 تک پہنچ گئی ہے۔انسداد پولیو پروجیکٹ کی ڈپٹی منیجر ڈاکٹر درے ناز نے کہا کہکراچی کے دو بچوں میں پولیوکی تصدیق ہوئی ہے، نھوں نے کہا کہ سلطان آباد یونین کونسل نمبر8کے دس مہینے کے بچے حضرت عمر ولد اکرام اللہ کے پولیو کے ٹیسٹ کئے گئے جن کا نتیجہ مثبت رہا ،ان کا کہنا تھا کہ اسی یونین کونسل سے یہ چوتھا بچہ جس میں پولیو کی تصدیق ہوئی ہے۔ڈاکٹر ناز نے دوسرے کیس کے حوالے سے بتایا کہ ورنگی یونین کونسل نمبر7 راجا تنویر کالونی کی ایک سال اور دس ماہ کی بچی ہاجرہ بنت امیر خان میں پولیو کی تصدیق ہوئی ہے اور یہ اس یونین کونسل میں دوسرا کیس ہے۔ڈاکٹر درے نا ز کے مطابق اب تک رپورٹ ہونے والے پولیو کے 115کیس فاٹا ،29خیبرپختونخوا،14سندھ ،3بلوچستان اور2کا تعلق پنجاب سے ہے۔