دورہ نیوزی لینڈ اور آسٹریلیا ،انجری کے باعث سورینسن اور پال سٹر لنگ اسکواڈسے باہر

ڈبلن:آئر لینڈ کرکٹ ٹیم کے فاسٹ بولر میکس سورینسن اور بیٹسمین پال سٹر لنگ دورہ نیوزی لینڈ اورآسٹریلیا کے لیے منتخب کئے گئے اسکواڈ سے باہر ہوگئے۔میکس سورینسن کے دائیں ہاتھ میں فیکچر ہوا ہے جبکہ بیٹسمین پال سٹرنگ کمر درد میں مبتلا ہونے کی وجہ سے اسکواڈ میں اپنی جگہ برقرار رکھنے سے قاصر رہے ہیں۔آئر لینڈ کرکٹ ٹیم کے کوچ فل سمنز نے اسکواڈ سے باہر ہونے والے کھلاڑیوں پر افسوس کا اظہار کرتے ہوئے کہا ہے کہ ورلڈ کپ 2015کی تیاریوں کے لیے تجربہ کار کھلاڑیوں کا اسکواڈ سے باہر ہونا افسوس ناک ہے ۔واضح رہے آئر لینڈ اگلے منگل کو آسٹریلیا اور نیوزی لینڈ کے مقام پر طے شدہ آٹھ میچز کا آغاز کریں گے۔