بجٹ سے متعلق ہمیں اعتماد میں نہیں لیا گیا،خورشید شاہ

 اسلام آباد(پی پی آئی)پیپلز پارٹی  کے رہنماخورشید شاہ نے کہا ہے کہ حکومت نے بجٹ سے متعلق کچھ نہیں بتایا، نہ ہی ہمیں اعتماد میں لیا گیا، بجٹ کے حوالے سے اظہار خیال کرتے ہوئے انھوں نے کہا کہ معلوم نہیں ن لیگ نجکاری پالیسی، ٹیکسز اور ترقیاتی پروگرام پرکیاکررہی ہے؟انہوں نے مزید کہا کہ نہیں معلوم عوام کو ریلیف دینے کے لئے کیا اقدامات کئے گئے، کس صوبے کو کیا حصہ دیاجا رہا ہے؟ یہ بھی نہیں معلوم بجٹ حکومت خود بنا رہی ہے یا آئی ایم ایف کا بجٹ مسلط کیاجارہا ہے؟خورشید شاہ کا کہنا تھا کہ وفاقی بجٹ میں ہماری تجاویز ہر صورت شامل ہونی چاہیے تھیں،  بجٹ میں عوام ہم سے پوچھے گی کہ یہ کیا کر دیا؟ کیا ہم عوام کو یہ بتائیں کہ ہمیں تو پتا ہی نہیں۔انہوں نے یہ بھی کہا کہ سیاسی طور پرپیپلزپارٹی کو دیکھناہوگا کہ بجٹ پرکیا فیصلہ لیناہے؟