حیدرآباد،گیس سلنڈر دھماکے میں ہلاکتیں 27 ہو گئیں

 حیدر آباد (پی پی آئی)حیدر آباد کے علاقے پریٹ آباد میں ہونے والے سلنڈر کے دھماکے کا ایک اور زخمی چل بسا جس کے بعد حادثے میں جاں بحق افراد کی تعداد 27 ہو گئی ہے۔31 مئی کو پریٹ آباد میں سلنڈر پھٹنے سے 63 افراد زخمی ہوئے تھے جس کے بعد کراچی کے اسپتالوں میں 32 زخمیوں کو منتقل کیا گیا تھا۔اب بھی کراچی کے 3 ہسپتالوں میں اس واقعے کے 4 زخمی زیرِ علاج ہیں۔ڈاکٹروں کے مطابق چاروں زخمیوں کی حالت خطرے سے باہرہے